Det nærmar seg årets motbakkeløpfest i Loen i Stryn kommune, og 845 konkurranseløparar og 217 trimmarar er allereie påmeldt! Skåla Opp blir i år arrangert for syttande gong.
2017: Karoline Holsen Kyte og Stian Angermund-Vik vant Skåla Opp
Løyperekordhaldar Ahmet Arslan frå Tyrkia prøver seg igjen på motbakkane mot Skålatårnet, saman med fleire sterke norske namn som Stian Øvergaard Aarvik, Thorbjørn Thorsen Ludvigsen og Øyvind Heiberg Sundby.
Blant damene er fjorårsvinnar Karoline Holsen Kyte, Eli Anne Dvergsdal og tyske Michelle Maier favorittar. I tillegg er det alltid outsiderar som vil blande seg inn i tetstriden. Evigunge Kirsten Marathon Melkevik og Kristen Skjeldal vil òg ta turen til Skåla denne dagen.
Det er sett opp flotte gåvepremiar som ei Wonderland-seng og fire Garmin pulsklokker som blir trekt ut blant fullførande som møter på premieutdelinga om kvelden. Det er òg mogleg å vinne eit års fri bruk av Motbakkebilen frå Berge & Co.
Helga inneheld òg Kickoff fredag kveld, Kongleriket Mini Skåla Opp til sætra for barn frå 5 til 12 år laurdag, samt streaming og ekspertkommentarar i teltet ved start. Laurdag kveld er det grillparty og trubadurar på Hotel Alexandra som skaper god Skåla Opp stemning!
Velkommen til folkefest til fjells!
Info og påmelding på www.skaala.no
Løyperekordar:
1:20:06 Anita Håkenstad Evertsen (2008):
1:09:39 Jon Tvedt (2007)
1:07:06 Ahmet Arslan, Tyrkia (2012) ny sti
Stian Angermund-Vik - vinnar 2017. (Foto: Christian Prestegård)
