Ludvigsen og Buer norgesmeistrar

Jonathan Wyatt frå New Zealand var raskast av mennene med 35.57, 13 sekund før Ludvigsen. Løpet var lagt opp med start for kvinnene og menn over 50 år tre kvarter før. Det var delte meiningar om denne ordninga blant løparane. May Britt Buer er van med å ha konkurranse opp bakkane, men i dag var det ingen rundt henne, beste mann i femtiårsklassen var eit godt stykke før. Andre meinte det var ein fordel fordi denne løypa er smal og det er vanskeleg å passera andre.

Uansett - Nuten opp var heldige med ver og føre, og det var heile 154 løparar i aktiv klasse. Så får det heller våga seg at nokre av oss slepa opp kilovis med fotoutstyr i håp om å få bilete med Hardangerfjorden i bakgrunnen. Den var godt dekka av eit skoddehav. Motiva elles klagar vi ikkje på. Foto: Jan og Oddny Ringheim

 
May Britt Buer tok ein trippel i dag under flotte forhold i Nuten opp i Rosendal, med både siger i NECON Motbakkecup, norgesmeisterskap og i Nuten opp der ho slo sin eigen løyperekord. Skodda som låg over Hardangerfjorden gjorde at det var kjølig gjennom store deler av løypa, men det vart varmt i den strålande sola som møtte løparane dei siste 100 høgdemetrane. Marginen til nummer to Antonella Confortola Wyatt var 56 sekund. 


Også på damesida var det duell dei siste metrane. May Bente Weng kom seg til slutt forbi Anne Nevin. May Bente Weng spring i klasse 40-49 år og tok dermed norgesmeistertittel i sin klasse, medan Anne Nevin vart nummer tre i seniorklassen bak Buer og Comfortola, og vart nummer to i NM i den klassen.

Jonathan Wyatt sjekkar avstanden til konkurrentane. Wyatt har vunne Nuten opp mange gonger, men denne gangen var det liten margin til nummer to. Desse nordmennene har ein eigen evne til å springa i desse brattaste motbakkane, sa han etter løpet, og meiner sjølv han har sin styrke på løyper som er litt flatare der han får full utteljing for kondisjonen. Hans store bragd i sommar var å vinna det svært tøffe motbakkeløpet opp på Mt Fuji i Japan. Neste stopp er Skåla opp.



Det er 30 meter igjen til mål, og Thorbjørn Thorsen Ludvigsen har akkurat passert Torstein Tengsareid. Ludvigsen starta roleg ut rundt nummer 15 i det flate partiet i starten, men begynte å plukka konkurrentar før den bratte delen av løypa begynte. Han hadde kontrollen med Torstein Tengsareid heile vegen, men i den tjukke skodda som dei måtte gjennom, var det ei stund han mista dei av syne. Ludvigsen har hatt ein sjukdomsperiode, men er no tilbake. - Det var godt å merke at eg er tilbake i form og kunne ta ut alt i dette løpet, sa han til Kondis.no.
 

TV 2 Rosendal NutenOpp - NM & NECON Norgescup motbakkeløp:
Dette er resultata for Nuten opp med alle løparar og den klassedeling dei brukar. NM har femårsklassar frå 35 år. NM-resultata er ikkje publisert enno.

For sluttresultat NECON Motbakkecup, sjå eigen artikkel.

Etter at ho vann italiensk meisterskap i fjelløp for to veker sidan, har Antonella Confortola hatt litt skadeproblem og var litt forsiktig i dag. -Sjølv om det gjekk bra med skaden, tok eg det nok litt roleg, sjølv om eg i det brattaste partiet var berre 22 sekund bak, viss eg forsto dei norske "sekundantane" rett. Eg visste at May Britt var god teknisk og eg bestemte meg for å gå for andreplassen, sa Confortola etter løpet. 

 
Kirsten Marathon Melkevik (Gular) er tilbake etter ni månaders skadeperiode. Ho var glad for å vera tilbake i aktivitet, og merka ikkje noko til skaden under løpet. Ho tok femteplassen totalt og vart nummer to i klasse 40-49 år bak May Bente Weng.


Therese Sjursen vart nummer seks totalt, men var godt fornøygd. - Eg visste at dei som låg før meg, er kjempegode, og eg er glad at eg klarte å henga med, sa BFG Fana-jenta som kom inn eit halvt minutt etter tidlegare klubbvenninne Kirsten Marathon Melkevik.

Joel Dyrhovden vart nummer fem i seniorklassen.


Johan Bugge vann klasse 20-22 år og vann i tillegg juniorklassen i Norgescupen.


Stian Hovind-Angermund frå Varegg fekk tida 37.55. Han vart nummer sju i seniorklassen, men tok femteplassen i Norgescupen.


Tomas Bereket kjem i mål på 39.07, og hadde tunge bein etter at han vann Fanaraaken opp dagen før. Han ville vera med på dette løpet for å sikra seg plassering i Norgescupen. Der vart han nummer tre.


Kamp til målstreken mellom Øyvind Bugge (over) og Tormod Tjørnhom. Begge fekk tida 39.36.


I Nuten opp 2012 starta alle damer og menn over 50 tre kvarter før. Det var Oddmund Roaldkvam som kom først til topps, han vann klasse 50-54 år på 41.27.


Stian Øvergaard Aarvik var best i klasse 15-16 år med den imponerande tida 43.31.


Ein glad norgesmeister Thorbjørn Thorsen Ludvigsen med kjæresten Lene og mor Torill som er minst like glade og stolte!


Ingvill Sangesland var best i klasse 17-19 år med 46.29.


Ingrid Kristiansen hadde jobb som premieutdelar, men sto sjølv også på pallen etter løpet sitt på 53.53.


Jarek Lazarowicz, polsk men busett i Jondal, og Kjetil Dyrvik frå Voss kosar seg på toppen av Malmangernuten, der det var flott solskinn under heile løpet. Begge sprang i klasse 40-49 år og vart hhv nummer fem og tre.


Eldste dame i konkurranseklasse, Marianne Hoff.
 

Ingen Nuten opp utan ekteparet Confortola/Wyatt. Ofte har begge vunne, men Antonella Confortola Wyatt har hatt litt meir konkurranse, og i dag vart det andreplass. 

Tidlegare reportasjar frå Nuten opp finn du på Samleside for Nuten opp.