Gode tider på nest siste vinterkarusell i Strandebarm.

Trass noko usatbilt ver, var føre ganske greitt denne februarkvelden. På bildet er Hanna Øygard, Elisabeth Skogasel, Sondre Svåsand Måge og Lars Mundheim Oma f.v. avbilda etter løpet.

Vinterkarusellen samlar mykje folk; 55 løparar på startstreken ein tysdagskveld i februar er arrangørane nøgde med. Som vanleg var det folk i alle aldrar frå småborn i barnevogn til pensjonistar. Åtte deltakarar stilte til start for fyrste gong i år. Mellom desse var strandebarmsvenen John Svahn frå Tørvikbygd, som har mange startar bak seg i karusellen i tidlegare år, i tillegg til deltaking på seriestemna på idrettsbanen. Seinare denne månaden skal han avgrade på skirenn til Russland saman med andre kvemmingar.

Ein som også deltok på fyrste gong i år var Adam Øygard (16). Han sprang fort, og var fyrste mann i mål, føre Knut Øystein Fosse, Ove Måge og John Olav Måge. Også Hilde Håbrekke med borna Jenny og Aleksander, mor Annlaug og nevø Kristoffer debuterte for denne sesongen på karusellen. Jenny vann ein av gåvepremiane.Torild Kveberg var fyrste kvinne over målstreken føre Irene Myrvold og Irene Tangerås og Liv Berit Bru Eide. Hovudpremien på kr 500,- til bruk på Mo Sport, var det vesle Vilde Bakkely Fugleberg som vann. Vilde og mamma Renate har delteke på alle dei sju løpa denne sesongen.

Tysdag 6. mars klokka 19, går det aller siste løpet denne sesongen. Etterpå vert det avslutningssermoni i kantina på skulen. Der vert det sal av enkel mat, trekking av premiar og utdeling av medaljar. Alle som deltek på minst fem løp får medalje, og vert med i trekking av fine premiar. Til no har 42 personar vore med på min. 5 løp. 13 personar har fire løp til no.

VINTERKARUSELL STRANDEBARM 2017 – 18
Løp 7, 13. februar 2018. Resultat