Etiopisk dobbeltsiger, men imponerande svensk innsats i Chiba Ekiden
Etiopia vann både kvinne- og herreklassen for tredje året på rad i den prestisjetunge maratonstafetten i Chiba i Japan. Men vel så imonerande var innsatsen til dei svenske gutane som kom på femteplass og hadde sterke nasjonar som Tanzania, USA og Russland bak seg. Erik Sjöqvist (biletet) leidde an alt frå start med å springe den 10 km lange førsteetappen på 28.36.
Klubbkameratane til Sjöqvist følgde fint opp. Henrik Skog brukte 14.15 på den 5 km lange andreetappen, Mustafa Mohamed 29.15 på den 10 km lange tredjeetappen, Per Jacobsen 14.27 på sin 5 km lange fjerdeetappe før årets ferske nordiske meister i terrengløp, Claes Nyberg, avslutta med 36.09 på den 12,2 km lange femteetappen. Til samanlikning såg vinnartidene på dei ulike etappane slik ut:
Til og med den svenske reserven, Erik Pettersson, sprang på gode 14.14 og vart nummer fire på reservane sin 5000 m på bane. Det fortel vel at nivået på dei svenske herreløparane for tida er atskilleg høgre enn på dei norske. Sjølv med eit toppa norsk lag ville neppe sjettemann på laget vori i nærleiken av å klare 14.14 på 5000 m. Men den største forskjellen er kan hende likevel at svenskane klarer å stille eit lag der alle dei beste er med. Vi såg det same i nordisk terreng og vil truleg sjå det på nytt i EM terrengløp 12. desember. I fjor var dei norske jentene invitert til Chiba Ekiden, men fleire av dei beste norske stilte ikkje, og dermed vart det ikkje nokon invitasjon til Noreg i år. Den svenske sluttida på 2.02.42 er den beste nordiske sluttida gjennom alle dei 17 åra denne maratonstafetten har eksistert. Danskane sprang imidlertid berre 3 sekund seinare i 1998.
Les meir hos IAAF Les meir på friidrott.se Resultat gjennom alle tider i Chiba Ekiden |
