Fjørtoft var suveren i terrenget i SCR

Av Lill Sørensen:

Saman med lagvenninnene Veronika Blom, Kristine Eikrem Engeset og Monika Kørra kunne ho òg glede seg over i siger i lagkonkurransane mellom dei ulike universiteta.

Etter ein litt trøblete start på terrengsesongen med forkjøling og virus var Silje Fjørtoft klar for å bite frå seg i den 6 km lange løypa rundt Cottonwood Creek Golf Bane in Waco, Texas. 21 lag frå like mange universitet stilte til start i løpet som gjekk 14. november. På førehand var Siljes lag, The Mustangs frå SMU (Southern Methodist University), ranka som nummer ein i sin region etter lagsigeren i Conference USA to veker tidlegare.

Laget består av heile seks skandinavar - Silje Fjørtoft, Vidar; Kristine Eikrem Engeset, Skjalg; Monika Kørra, Ren-Eng og Veronika Blom, Modum pluss dei to svenske jentene Sara Sjökvist og Mary Alenbratt. Med andre ord er det ein herleg "svorsk" gjeng.

Silje leia frå start til mål og vann med 25 sekunds margin til nummer to. Tida blei 20.29,7. SMU vann òg lagkampen etter sterk springing av Sara Sjökvist som vart nummer fire med 21.10,8. Veronika Blom vart nummer sju med 21.17,2, Kristine Eikrem Engeset nummer 8 med 21.20,6 og Mary Alenbratt nummer 23 med 21.43,5. Monika Kørra er akkurat tilbake i konkurranse og blei nummer 57 med tida 23.05,4. Heile 134 jenter stilte til start.

The Mustangs avsluttar terrengsessongen med NCAA Championship i Terra Haute, Indiana 23. november.

Resultat 6 km terrengløp
1	Silje Fjørtoft		SMU		20:29.7
2	Betzy Jimenez		Texas		20:54.5
3	Erin Bedell		Baylor		21:01.9
4	Sara Sjökvist		SMU		21:10.8
5	Alyssa Allison		Arkansas	21:14.1
...			
7	Veronika Blom		SMU		21:17.2
8	Kristine Eikrem-Engeset	SMU		21:20.6
23	Mary Alenbratt		SMU		21:43.5
57	Monika Kørra		SMU		23:05.4

Reportasje hos SMU