Jølster Maraton vart ein flott løpsfest – i år utan tropevarme

Jølster Maraton såg dagens lys i 1983, som eit resultat av at den såkalla «joggebølja» slo inn over landet tidleg på 80-talet. Som så mykje anna kom også denne frå USA. Året før hadde den gode nabo i vest, Florø, etablert «Rett Vest». Første året var det to distansar på «menyen»: Halv- og heil-maraton. 42 og 10 løparar stilte, og arrangements-komiteèn var heller spinkel. Vinnaren av den lengste distansen var ein kar som etterkvart skulle bli ein gjengangar i Jølster, Bjørn Gjerde. Tida vart gode 2.34.

Utover 80-talet og inn på 90-talet auka deltakartalet jamnt og trutt, og folk frå heile landet tok turen til Jølster. Då hadde også 10 km blitt ein del av tilbodet. Midt på 90-talet snudde det og deltakartalet gjekk nedover, for så å gå oppatt rundt 2005. Sidan den gong har stemnet hatt eit stabilt deltakartal mellom 350 og 450 konkurranseløparar.

Jølster Maraton har aldri hatt mål om å trekke til seg den ypperste elite, med betaling og dekking av kostnader, men heller vere eit løp for «menigmann». Likevel, her har vore mange gode løparar, og spesielt dei åra NM Maraton har vore arrangert her har vi sett solide løyperekordar på den distansen. NM har forresten vore 3 gonger: 1997, 2008 og 2021.

Årets løp var det 39. i rekka og deltakartalet enda opp i underkant av 400. To nye løyperekordar vart det. Silje Eklund, som også deltok i fjor, var tilbake med klart mål om å ta løyperekorden til Irene Gulli frå NM i 97 på 2.48.59. I fjor var ho 30 sek for sein, men i år var det ingen tvil. 2.47.38 vart tida. Men, det kosta og Silje var undervegs nær ved å måtte stå av. Kun tre menn var føre, og dei var temmeleg nær. Vinnaren var ein debutant på distansen, og ein med famlierøter frå Jølster: Sander Kjøsnes Lie. Tida vart 2.45.05. Unge Andreas Ytredal Akse var nærmast med 2.46.37 medan Torbjørn Høitomt tok tredjeplassen med 2.47.15. Ser vi elles på maratonlista kan vi ikkje unngå å nemne Vera Nystad. Under NM i fjor sette ho verdensrekord i klassen K75-79 med 3.39.51. Så fort gjekk det ikkje i år, men ei tid like over 4 timar er likevel strålande for ei så vaksen dame.

Alle resultater frå Jølster Maraton.

Sander Kjøsnes Lie vant helmaraton.

På halvmaraton var Tage Morken Augustson frå Varegg den suverène. Han vann her i fjor og, men i år gjekk det klart raskare: 1.07.47 er ei sterk tid, og berre 7 sekund frå pers. Nest beste fann i same klasse. Det var Øystein Ulekleiv frå Dombås IL med 1.12.02. I dameklassen var Elisabeth Vik først med 1.24.25.

Vi snur til 10 km der vi fekk dagens andre løyperekord. Det var Rebecca Hilland i klasse K40-49 med tida 34.54. Ho var faktisk nest-raskast på distansen! Karoline Harnes Mongstad frå Gular var nest-raskaste kvinne med 36.54. I herreklassen var Marius Vedvik som venta først. Han gjekk vel ikkje heilt i kjellarene med tanke på kommande oppgåver, men 30.23 let seg likevel høyre. 17-åringen Kristoffer Sandal frå Jølster var neste raskaste med 35.20.

Rebecca Hilland i klasse K40-49 satte løyperekord på 10 km.

På «spint-distansen» 5km vart det igjen ein favoritt-siger. Eivind Øygard frå Jølster har hatt ein litt trøblete inngang på sesongen, men verkar no å vere på gang.14.53 utan å presse for mykje er godkjent. Bak Eivind følgjer eit fint knippe med unge lokale løparar, der 15-åringen Åsmund Sunde Førde frå Jølster si tid på 16.18 ragar høgst. I dameklassa vart det jentesiger! 13-åringen Maria Klakegg frå Jølster slo alle andre med tida 20.39.

Arrangøren prøvde i år ein ny vri når det gjaldt løypene. Frå tidlegare å frakte alle unntatt maraton-løparane innover sørsida av Jølstravatnet, var det i år tur/returløp på alle distansar. Logstikk-messig er dette ein fordel, men ein ser at starttidene må justerast for å unngå den lange ventetida det var frå målgang til premieutdeliga for enkelte distansar. Sjølv om nokre saknar den fine turen i ein retning vestover langs vatnet spørs det nok om ikkje årets løysing blir den gjeldande framover.

Neste år er det 40-års-jubileum og datoen er 1.juli. Ei stadig utvikling av løpet og opplegget rundt har vore arrangøren sitt mål kvart år, og dei andre ingen planer om å stoppe her. Her skal haldast eit høgt teknisk nivå, og sjølvsagt behalde den gode atmosfæren som så mange kjenner Jølster Maraton for.

Andreas Ytredal Akse inn til en andreplass på maraton.

Resultat kvinner maraton:

15 beste menn maraton:

15 beste kvinner halvmaraton:

15 beste menn halvmaraton:

15 beste kvinner 10 km:

15 beste menn 10 km:

15 beste kvinner 5 km:

17 beste menn 5 km: