Arrangør IL Fanaråk tok i går ei fornuftig avgjerd om å flytte dagens løp pga av vertilhøva med store nedbørsmengder i forkant, sterk vind og minusgrader og nysnø på toppen av Fanaråken 2068 moh. Av omsyn til tryggleiken for løparane vart løpet flytta til ei 10 km lang løype med vel 800 m stigning på RV55 frå Fortun 40 moh til Turtagrø Hotel 868 moh.
Fanaråken Opp var i år tildelt siste løp av 5 i årets Norgescup i motbakkeløp. Løypendringa fekk ikkje konsekvensar for NC-statusen til arrangementet. Vinnarane av Norgescupen Eli Anne Dvergsdal og Stian Øvergaard Aarvik var allereie klare etter dei fire fyrste løpa. Dei stilte heller ikkje til start i dag i Fanaråken Opp, og dei skulle ha sprunge svært fort om dei skulle ha trua dei suverene vinnarane i dag.
Annie Bersagel (USA) representerer IK Tjalve i Noreg. I år er ho også teken ut på laget til USA i VM i motbakkeløp om ca. 1 mnd. Her er ho like før målgang ved Turtagrø Hotel på tida 49:49. Det skulle gå 3 min og 7 sek før nr. 2, Maren Wangensteen, Høre Ryfoss IL, kom i mål.
Øyvind Heiberg Sundby, IK Tjalve (ektemannen til Annie Bersagel) ligg her på 2. plass etter ca. 2 km med Torstein Tengsareid, IL Skjalg, hakk i hæl. Øyvind sprang etter kvart i frå Torstein med 1 min og 32 sek. Øyvind vart nr. 2 medan Torstein kom på 4. plass. Øyvind som m.a. har to NM-gull i motbakkeløp, har dei siste åra satsa mest på sykkel, men i år har han vore tre veker på høgdetrening i Colorado med sikte på toppform i neste helgs La Sportiva Skåla Opp. I fjor imponerte Øyvind med 3. plass der kun 10 sek. bak verdsmeistar Robbie Simpson frå Scotland..
Karoline Holsen Kyte, Førde IL, mot mål på Turtagrø til 3. plass på tida 53:31. Karoline har i år vore plaga med skader etter fjorårets flotte sesong då ho mellom anna vann La Sportiva Skåla Opp og vart nr. 2 World Cup-avslutninga i Mountain-Running i Slovenia.
Resultatliste totalt alle damer:
Resultatliste 30 beste menn totalt av 66.
For fullstendig resultatliste inkl for kvar klasse sjå heimesida til Fanaråken Opp www.fanaraaken.com
Utsyn ned mot starten i Fortun. Fotoet er teke omlag 2 km opp i løypa
Per-Christian Lysaker Torgersrud, Team Sportsmanden, var nr 3 på tida 44:45
Torstein Tengsareid, IL Skjalg, vart nr. 4 totalt og sikra dermed 2. plassen samanlagt i Norgescupen.
Ingrid Ukkelberg, Marnadal IL vart nr. 4 av damene.
Geir Steig; Luster IL vart nr. 5 av alle menn med tida 46:25
16-åringen Håvard Klakegg, Jølster IL, vann klasse M15-17 år på tida 50:57.
Dei to raskaste løparane i arrangørklubben IL Fanaråk vart nr. 1 og 2 i klasse M45-49. Frå venstre Per Ove Walaker (53:02) og Jan Øyvind Bolstad (53:54).
Kjell Mundal, Fjærland, vann klasse M50-54 på 51:45 og var jublande glad for løypeendringa.
Eldste deltakar Christian Børs Lind frå Røa i Oslo er 78 år og sprang i mål på 1:17:08. Christian og 75-åringen Birger Normann Hanstveit, som kom i mål på 1:13:40, er gode forbilder og inspiratorar også for oss i dei yngre veteranklassane til å halde treninga godt ved like....
