Opp landets brattaste riksveg
Stalheimskleiva Opp 1. mai
Stalheimskleiva opp er fyrste løp i året Oppturcup Voss Oppturar og vert arrangert for 5. gong.
Dei andre løpa er: Hanguren Opp på Voss, Rimstigen Opp på Bakka og siste løpet er Hangurslia Opp på Voss. For å telja med i cupen samanlagt, må ein delta i tre av desse løpa. Sjå www.vossoppturar.no
Løypa i Stalheimskleiva Opp går opp landets brattaste riksveg. Løypelengda er 2000m med ei stigning på 280m
I år, som i fjor kan du delta i konkurransen Trippelen eller Hardhausen der utøvarane først syklar, deretter går opp på rulleski og til sist spring i sjølve motbakkeløpet. Arrangøren syter for transport til ny start, men har ei grense på 30 deltakarar i Hardhausen, så ver rask med å melde deg på. Resultatet kjem fram ved samanlagt tid for dei tre øvingane. Her deltek sterke utøvarar som Hilde Fenne –verdsmeister i skiskyting for junior i år (vann Oppturcupen i fjor) og Vebjørn Turtveit – norsk meister i langrenn junior + vinnar av norgescupen
Sterke namn som deltek i sjølve løpet; er evigunge Kristen Skjeldal (45 år) , Asbjørn Berland som har den nest beste tida som er oppnådd i Stalheimskleiva Opp (9.12). Berre Jon Tvedt sin rekord frå 2008 på 9.04 er sterkare. Lars Erik Skjervheim som vann Oppturcupen i fjor og som er mellom verdas beste randonee-utøvarar, er på plass. Må også nemne ei av verdas alle beste veteranløparar Anna Magrethe Tråve ( f. 1955) frå Lærdal, som i fjor vart nr 2 i VM i fjelløping (Opp og ned Løype) i si klasse. Ho brukar Stalheimskleiva Opp som ledd i oppkøyringa mot
VM i motbakkeløp for veteraner i Tyskland 19. mai. Dit reiser ho saman med 7 andre løparar inkl. meg sjølv.
Påmelding viawww.vossoppturar.no . Løpsleiar Gudmund Furu melder til Kondis.no at ordinær påmeldingsfrist i konkurranseklassane i alle løpa er i kveld søndag 29. april kl. 24.00, men at etterpåmelding er mogeleg inntil 2 timar før start. Dvs seinast kl. 13.30 på løpsdagen 1. mai.
Start sykkel kl 15.30. Start rulleski kl 16.00. Start løpet kl 16.30. ( Du kan delta i eit av løpa, i to eller alle tre).
Ta evt. kontakt med løpsleiar Gudmund Furu, tlf. 40476414, e-mail:gudmfuru@gmail.com
