Sjursen og Dyrhovden best i Vidasete opp

34 løparar fullførte i konkurranseklassen, litt færre enn vanleg. Ei heller dårleg vermelding må nok ta litt av skulda.

Arrangementet var som vanleg svært bra, hyggeleg stemning og fine uttrekkspremiar. 

Dei tre beste damene: Frå venstre nummer to Caroline Christie, vinnar Therese Sjursen og nummer tre Torunn Grut.

Heile resultatlista finn du under biletserien.

Fotograf i løypa: Jan Ringheim. Ingressbilde: Arrangøren. Start og premieutdeling: Oddny Ringheim

For 13-14-åringane er det ei eiga løype, Vidasete nesten opp, den er ca 2 kilometer lang. Her ser vi Rebekka Midlang Hardbakk og Turid Johanne Grindedal rett etter starten på Lunde.

Bjørnar Fosse Vaksdal var einaste gut som deltok, og tida vart 16 minutt.

Rebekka Midlang Hardbakk var beste jente i Vidasete nesten opp på 19:08.

Therese Sjursen vert intervjua av speaker Halvor Flatland før start.

Joel Dyrhovden forbetra tida si med 7 sekund frå i fjor. Vinnartida hans vart 33:56.

Det var kamp om andreplassen mellom Ketil Monssen (fremst) og Joar Grov Turvoll. Det var Joar som vann kampen, tida vart 35:05, 5 sekund før Ketil Monssen.

Sondre Øvre-Helland låg på fjerdeplass her rett etter første drikkestasjon, og enda til slutt på sjetteplass. Han held seg vanlegvis i lettare terreng, og har personleg rekord på maraton på 2:33:34.

Leif Bjørn Grindedal med Ole Martin Erdal i hælane. Dei to kom seg forbi Sondre Øvre-Helland og kom inn på hhv 36:13 og 36:18.

Kjell Erling Mundal var nummer sju totalt og best i klasse 50-59.

Therese Sjursen har ikkje gitt opp håpet om å forbetra løyperekorden, men i dag var det litt for sleipt og kaldt. Då rekorden vart sett, i 2015, var det sol og varmt. Tida i dag vart 41:40.

Sist helg vann han Jølster maraton, i dag vart Jens Andreas Melheim nummer 10.

Caroline Christie vart nummer to av damene og best i klasse 30-39.

​Torunn Grut, vinnar klasse 50-59.

Hermann Erdal, nummer tre i klasse 50-59.

Anna Margrethe Tråve, klasse 60-69. Tida vart 51:47, Bak kjem Trond Sundby, sjefen for Balestrand opp på andre sida av Sognefjorden. Det løpet går 16.september.

Polly Evans (til venstre) og Victoria Midlang Harbakk kom i mål på hhv 55:17 og 55:14. 

Bjørghild Holien vart nummer tre i klasse 50-59 år og vippa dermed kondisreporteren elegant ned frå den gjeve seierspallen i klassen.

Det er ikkje berre løparane som har det travelt på ein dag som denne. Gert Vaartjes frå arrangørstaben kom joggandre rett inn i eit prøvebilete. Han har ansvar for tidtaking og ymse anna, han er frå Nederland og arbeider i Highsoft i Vik.