Det 16. Skåla Opp arrangeres laurdag 19. august i Loen i Stryn kommune. Erik Brendefur, leiar for La Sportiva Skåla Opp, har sendt oss pressemeldingen nedenfor.
Se også tidligere omtale på Kondis.no:
2016: Annie Bersagel og Stian Angermund-Vik vann Skåla Opp
2002-2016: Samleside for reportasjer fra Skåla Opp
God påmelding til Skåla Opp
Skålatårnet og den nye turisthytta til Bergen og Hordaland turlag, Skålabu, har hatt svært godt besøk i sommar. Det er for første gong også ein eigen hyttevert på Skåla i sommar.
Skåla Opp deltakarrekorden på 1935 fullførande kan stå for fall i år, allereie to veker før arrangementet er det 1300 personar som har meldt sin ankomst. Og om sommarvêret glimtar til, blir det verkeleg ein ny folkefest på Skåla!
Mange kjende løparar
Blant kjende løparar som stiller til start nemner vi svenske Emelie Forsberg, løparpara Antonella og Jonathan Wyatt, spanske Laura Orgue og Joan Freixa, sveitsiske David Schneider, fjorårsvinnar amerikanske Annie Bersagel, fjorårsvinnar og verdsmeister Stian Angermund-Vik, europameister Eli Anne Dvergsdal, europameister Johan Bugge, den nye norske kometen Karoline Holsen Kyte, May Britt Buer, skotske Robbie Simpson, unge lovande Stian Øvergaard Aarvik, Kirsten Marathon Melkevik, verdsmeister og løyperekordhaldar Anita Håkenstad Evertsen og evigunge Kristen Skjeldal.
Fleire av desse hevdar seg heilt i verdstoppen i motbakkeløp, og løyperekordar kan stå for fall. I så fall vankar det ein velfortent rekordpremie på NOK 120.000.
Fra fjorårets løp i ein forkorta løype pga snø: (Foto Christian Prestegård) Stian Øvergaard Aarvik imponerte med ein sterk 3. plass kun 12 sekundar bak fjorårets sølvvinnar i EM i motbakkeløp, David Schneider, Sveits. I år er verdsmeister Stian kanskje den fremste favoritten.
Stian Grimseth stiller til start
Vår lokale og trivelege vektløftarhelt Stian Grimseth vil òg ta turen til Skåla denne dagen. Og fleire kjendisar kan vere på veg!
Det er også i år trekning av ei Wonderland seng, fire Garmin pulsklokker og fri bruk av ein VW Golf i eit år, samt mange fleire flotte premiar til dei som fullfører turen til Skåla. Helga inneheld òg Kickoff fredag, Kongleriket Mini Skåla Opp til sætra for barn opp til 12 år laurdag, streaming, ekspertkommentarar og trubadurar i teltet på Tjugen, samt premieutdeling og grillparty laurdag kveld på Hotel Alexandra.
Velkommen til Skåla Opp og motbakkefest i Loen!
Det høge målet Skålatårnet med mållinja på 1843moh. Etter å ha tilbakelagt 1814 høgdemeter i den 8,2km lange Skåla Opp-løypa frå Tjugen i Loen 29 moh. Foto Christian Prestegård
Ingen Skålatopp i 2016:
Det som skulle vore mål i La Sportiva Skåla Opp; Skålatårnet. Då hadde deltakarane også fått sett bygginga av den nye flotte hytta som Bergen Turlag bygger ved sidan av Skålatårnet.
Berre to dagar før løpet kom det så mykje nysnø dei siste 700 høgdemetrane av løypa, mellom 15 og 30cm at i fjellet at arrangøren måtte legge målgangen til Skålavatnet 1150 moh.
