2. plass og klassesiger til Anna Tråve i LPA-trail på Gran Canaria
63 år gamle Anna Margrethe Tråve imponerte stort da ho vart nummer to totalt og var raskast av alle over 40 år i eit 20 km langt terrengløp på Gran Canaria 16. mars.
Det var rett nok eit lite kvarter fram til vinnaren Ula Kupec som brukte 1.45.42 på den kuperte løypa. Anna Margrethe Tråve sneik seg under 2 timar med 9 sekunds margin.
- Eg hadde lada opp i Crus de Tejeda på vel 1500 moh. Løpet gjekk på grusvegar og sti og hadde 585 høgdemeter med stigning/fall, fortel Tråve til Kondis.
Herreklassen vart vunnen av Jose Salom på 1.19.39. I alt fullførte 153 menn og 25 kvinner 20 kilometeren. Det var òg ein 10 km der 98 kvinner og 245 menn tok seg til mål. Anna Margrethe Tråve ser ut til å ha vori einaste norske deltakar.
Det var full fart ut frå start i LPA-trail på Gran Canaria. (Foto: arrangøren)
| Kvinner | |||||
| Pl. | Name | Club | Cat | Time | By cat. |
| 1. | Ula Kupec | 4Endurance Camelbak | 01:45:42 | ||
| 2. | Anna Magrethe Trave | Laerdal | V+40 | 01:59:51 | 1 |
| 3. | Blanca Barredo Blanco | ARISTA | V+40 | 02:02:08 | 2 |
| 4. | Lourdes Plasenci | Mucha Vida | V+40 | 02:05:31 | 3 |
| 5. | Dunia Rodriguez Flores | CluMonVal | V+40 | 02:06:03 | 4 |
| Menn | |||||
| 1. | Jose Salom | 01:19:39 | |||
| 2. | Blaz Brecko | CD Muevete Running | 01:21:39 | ||
| 3. | Aday López Abellán | 01:24:44 | |||
| 4. | Fran Rodríguez | 01:27:25 | |||
| 5. | Miguel Ángel Hernández Espino | Carphial teror | V+45 | 01:27:25 | 1 |
Annonse
Klassesiger og andreplass totalt hadde Anna Margrethe Tråve all grunn til å vera nøgd med. (Foto: Åge Årdal)
