Deltakarrekord da 484 sprang Karmøy Maraton i flott haustvêr
Den gamle deltakarrekorden på 387 fullførande fra 2016 vart pulverisert under årets utgåve av Karmøy Maraton. I nydeleg løpsvêr tok 484 løparar seg gjennom ei av dei tre løypene på 10, 21 eller 42 km.
Det gode løpsvêret med 8-9 varmegrader, opphalds og mest ikkje eit vindpust bidrog nok til deltakarrekorden. Halvmaratonløpet samla klart flest med 275 løparar medan 10 kilometeren hadde 119 og maratonløpet 90 løparar i mål.
Men det var ikkje berre kvantitet i Karmøy Maraton. Det var òg høg kvalitet på springinga til folket fremst i feltet. Kristine Lande Dommersnes var klart raskast på 10 kilometeren, og ho var strålande nøgd med 34.58.
- Ja, det var pers med mest eit minutt, og det var kjekt å sjå 34-talet, fortalte ho da vi møtte ho etter premieutdelinga.
- Da eg hadde 300 m igjen, høyrde eg Kåre Osnes rope at dersom eg stod på, kunne eg komma under 35 minutt. Eg gav det eg hadde, og det var gøy at det gjekk, fortalte den 20 år gamle HIL-løparen. Ho var med på det norske vinnarlaget i nordisk meisterksap i terrengløp og har tydelegvis heldt forma godt etter det.
- Har du høyrd noko om det blir norsk kvinnelag i EM terrengløp?
Annonse
- Nei, det har eg ikkje, men eg prøver uansett å trene så bra som mogleg mot neste sesong. I haust har eg lagt inn litt fleire intervalløkter med litt større mengde, fortalde jenta som framleis vil ha 1500 m som sin hovuddistanse. Der er persen så god som 4.26,12, men no kan ho i tillegg smykke seg med 10 km pers under 35 minutt. Og det i løype som buktar seg opp- eller nedover mest heile vegen.
Kristine Lande Dommersnes kunne glede seg over sin første 10 km under 35 minutt. (Foto: Runar Gilberg)
Og herrevinnaren på 10 km, Lars Lunde, sprang veldig bra og kom i mål på 30.44. Det var berre 21 sekund bak løyperekorden som Mats Hauge sette ifjor.
- Målet var å slå den, så slik sett er eg ikkje heilt fornøgd, men det var veldig kjekt å få vera med på eit så flott arrangement. Eg synest at det er veldig bra at nokon arrangører løp på ei tida av året da det ikkje er så mange andre som gjer det, fortalde han til Kondis.
Lars Lunde låg åleine i tet heile vegen, og med drahjelp i ei lettare løype kunne han ganske sikkert kommi seg under 30 minutt. På andreplass kom Thomas Asgautsen som i fjor sette løyperekord på maraton i same arrangement, på 2.34.44. No sprang han 10 km på 31.46.
Annonse
Det vanka pengepremiar til dei tre beste mennene og kvinnene på kvar distanse. Her kan vinnar Lars Lunde (midten), toar Thomas Asgautsen (til venstre) og trear på 10 km, Daniel Jacobsen, motta premiane sine. (Foto: Runar Gilberg)
| 10 km menn | ||||
| 1 | Lars Lunde | NOR | Stord IL (Allianseidrettslag) / Aktiv365 | 30:44 |
| 2 | Thomas Asgautsen | NOR | Spirit Stavanger Friidrettsklubb / Club 121 | 31:46 |
| 3 | Daniel Jacobsen | NOR | Haugesund Idrettslag Friidrett - gr | 33:29 |
| 4 | Vegard Havn | NOR | Stord IL (Allianseidrettslag) | 33:30 |
| 5 | Trond Olav Halvorsen | NOR | Haugesund Idrettslag Friidrett - gr | 34:22 |
| 6 | Erlend Kringeland | NOR | Stord IL (Allianseidrettslag) | 34:35 |
| 7 | Einar Kalland-Olsen | NOR | Gjesdal IL | 34:44 |
| 8 | Jakob Jordåen Molvik | NOR | Stord il | 36:43 |
| 9 | Jonas Listøl | NOR | Spirit Stavanger / Spirit | 37:03 |
| 10 | Jan-Morten Ra | NOR | Spirit Stavanger / Spirit Triathlon | 37:10 |
| 11 | Vetle Svanes Strand | NOR | Sirdal Ski | 37:34 |
| 12 | Ola Rasmussen Vestbø | NOR | Haugesund Triathlonklubb | 37:35 |
| 10 km kvinner | ||||
| 1 | Kristine Lande Dommersnes | NOR | Haugesund Idrettslag Friidrett - gr | 34:58 |
| 2 | Emma Bauge | NOR | Haugesund Idrettslag Friidrett - gr | 38:54 |
| 3 | Katrine Hillestad | NOR | Stord IL / Team Ingrid Kristiansen | 39:25 |
| 4 | Brittanna Hovda Balchen | NOR | Stord IL / Stord | 40:40 |
| 5 | Kristine Alne | NOR | Haugesund Idrettslag Friidrett - gr | 41:27 |
| 6 | Ashley Russell | USA | GTI Friidrettsklubb | 42:54 |
| 7 | Ingrid Velde | NOR | VORMEDAL | 46:02 |
| 8 | Hilde Elisabeth Lussand | NOR | ÅKREHAMN | 46:15 |
| 9 | Guppi Ra | NOR | Spirit Stavanger / Spirit Tri | 49:11 |
| 10 | Rebekka Langåker | NOR | KARMSUND | 49:19 |
| 11 | Monica Rasmussen | NOR | HAUGESUND | 49:26 |
| 12 | Stine Lund | NOR | ÅKREHAMN | 50:23 |
Buta og Novik vann halvmaratonløpet
Halvmaratondistansen samla fleire deltakarar enn 10 km og maraton til saman. 275 sprang dryge 10,5 km vestover og eit stykke sørøver frå Kopervik før dei gjorde vendereis og sprang samme veg tilbake. Ein av dei aller beste langdistanseløparane i Noreg gjennom alle tider var førstemann tilbake inn på stadion, og i mål var Urige Buta 3 sekund framføre Arne Kalland-Olsen. 1.09.41 er mest 8 minutt bak persen til Buta, men så er det òg nokre år sia han satsa for fullt og sprang på sitt beste. No fyller han snart 41 år og held seg tydelegvis i god form.
Det gjer òg Maryna Novik som fyller 38 år i år. Ho sette no løyperekord med 1.19.09. Den gamle på 1.19.39 frå 2017 hadde ho sjølv. Dette var hennes tredje strake seier, og i år sprang ho over 3 minutt fortare enn i fjor. På andreplass kom Ida Burrows på 1.24.32 og på tredjeplass Mari Arnestad på 1.25.39.
Urige Buta starta med eit stort smil om munnen, og løpsgelda såg han ut til å ha med seg heile vegen til mållinja, som han kryssa som førstemann. (Foto: Ida Marie Skeie)
Annonse
Maryna Novik flaug lett med god margin til bakken i den heller kuperte løypa. Ho både vann og sette løyperekord. (Foto: Ida Marie Skeie)
| Halvmaraton menn | ||||
| 1 | Urige Buta | NOR | Haugesund Idrettslag Friidrett - gr | 01:09:41 |
| 2 | Arne Kalland-Olsen | NOR | HAUGESUND | 01:09:44 |
| 3 | Stian Vestbø | NOR | Haugesund Idrettslag Friidrett - gr | 01:12:28 |
| 4 | Anders Kjærevik | NOR | BFG Bergen Løpeklubb / Valuecorp | 01:12:53 |
| 5 | Johannes Thomsen | NOR | Stord IL (Allianseidrettslag) | 01:14:05 |
| 6 | Pavel Laputjov | NOR | Bryne triatlonklubb | 01:14:30 |
| 7 | Kristoffer Nordhus | NOR | Spirit Stavanger Friidrettsklubb | 01:15:54 |
| 8 | Nils Haktor Bua | NOR | Spirit Stavanger Friidrettsklubb | 01:17:34 |
| 9 | Steve Acarregui | USA | Spirit Stavanger Friidrettsklubb | 01:17:49 |
| 10 | Ronny Nordal | NOR | Trio | 01:18:11 |
| 11 | Thomas Finshus | NOR | Stegaberg IL | 01:18:53 |
| 12 | Bjøro Nevland | NOR | Gjesdal IL | 01:20:09 |
| Halvmaraton kvinner | ||||
| 1 | Maryna Novik | NOR | Klypetussen | 01:19:08 |
| 2 | Ida Burrows | SWE | HAUGESUND | 01:24:32 |
| 3 | Mari Arnestad | NOR | Club Solo | 01:25:39 |
| 4 | Thea Hovda | NOR | Haugesund Triathlonklubb | 01:26:02 |
| 5 | Hólmfríður Aðalsteinsdóttir | ISL | VALEN | 01:26:23 |
| 6 | Malene Knutsen Breivik | NOR | Haugesund Triathlonklubb / Btsi Athlon | 01:26:34 |
| 7 | Silje Hundhammer | NOR | HAUGESUND | 01:31:53 |
| 8 | Andrea Hovstein Kruken | NOR | Partykåkens Julebord | 01:32:54 |
| 9 | Kirsti Sønstabø | NOR | HAUGESUND | 01:34:23 |
| 10 | Margrethe Smistad | NOR | KOLNES | 01:34:49 |
| 11 | Bente Hellevik | NOR | Trio | 01:36:29 |
| 12 | Hildegunn Håland | NOR | Trio | 01:36:32 |
Håland og Tjelta best på maraton
På maraton var det med ein løpar meir enn i fjor. Johanna Håland frå Bryne og Frode Tjelta frå Sandnes var raskast og vann på 3.13.28 og 2.47.08. Tjelta sigra nokså klart, medan det var berre 34 sekund ned til Kristin Husby på andreplass i kvinneklassa.
Medan løypa gjekk fram og tilbake på både 10 km og halvmaraton, fekk maratonløparane ein fin rundtur rundt heile den sørlege delen av Karmøy. Mellom deltakarane finn vi mange av dei ivrigaste maratonsamlarane i landet, som til dømes Inge Asbjørn Haugen (594 løp), Harald Sel (332 løp), Torstein Østevik (291 løp), Odd Gunnar Tveit (241 løp) og Lise Lithun (225 løp). For både dei og mange andre er det fint å ha eit maratontilbod på ei tid av året kor det ikkje er så flust med løp å velje mellom.
Odd Gunnar Tveit sprang sin maraton nummer 241, og sjølv om det nok var i varmaste laget med ca. 8 plussgrader, så såg han ut til å trivast godt. (Foto: Ida Marie Skeie)
Annonse
Johanna Håland gav både seg sjølv og Karmøy Maraton tommel opp, og til sist sprang ho i mål som første kvinne. (Foto: Ida Marie Skeie)
| Deltakarstatistikk | ||||
| År | 42,2 km | 21,1 km | 10 km | Sum |
| 2013 | 58 | 128 | 186 | |
| 2014 | 70 | 239 | 309 | |
| 2015 | 88 | 255 | 343 | |
| 2016 | 77 | 224 | 86 | 387 |
| 2017 | 86 | 200 | 81 | 367 |
| 2018 | 89 | 190 | 84 | 363 |
| 2019 | 90 | 275 | 119 | 484 |
* Barneløpet kjem i tillegg
Entusiasmen var kan hende aller størst i barneløpet. Det var på 400 m og gjekk ein runde rundt løpebana. (Foto: Ida Marie Skeie)
