Begge dei to favorittane, Arvid Haugen og Therese Falk, styrka posisjonen sin gjennom den tredje etappen i Bømlo Ultrafestival. Rett nok måtte Therese gjera det ho ikkje er så glad i, nemleg å springe opp på og ned av fjell, men likevel var ho halvanna time framføre kvinne nummer to, Jeanette Vika, i mål.
- No som eg er ferdig med Siggjo er eg kjempelukkeleg, for eg er ikkje fjellgeit, fortalde Therese Falk i eit intervju med Vestlandsrevyen på NRK. Både vidoen og bileta fortel om nok ein solskinsdag, og sjølv om det ikkje akkurat var nokon tropevarme, så var det ifølgje vinnaren av herreklassen, Arvid Haugen, meir enn varmt nok. Han oppsummerte på følgjande vis på Facebook-sida si:
"Bømlo-varmen har slått til som vanlig - 5 liter vatn gjekk med på dagens etappe. 6.08 er ei saftig forbedring frå 2019 (6.45) superfornøyd her i sola. No blir det is og kaffe."
Seks menn og to kvinner fullførte langløypa på 63 km, medan to menn og ei kvinne sprang den korte på 30 km. Etter tre etappar er det sju løparar som heng med i samandraget i langversjonen og to i den korte. Med så lange og tette etappar er det ein prestasjon i seg sjølv å fullføre.
Therese Falk trivst ikkje like godt i ulendt terreng som på slett asfalt. Heldigvis for henne får ho mest av det siste i Bømlo Ultrafestival. (Foto: arrangøren)
Primus motor for festivalen, Peter Tubaas, får tid til det meste - arrangere, springe langløypa i velbrukte sko, fotografere og inpsirere. (Foto: arrangøren)
| Resultat dag 3 | ||
| Mosterhamn med Siggjo – 63 km | ||
| Menn | ||
| 1 | Arvid Haugen | 06.08.13 |
| 2 | Jørn Carlsen | 07.23.12 |
| 3 | Ole Erik Flatin | 08.03.59 |
| 4 | Magnus Thorud | 08.03.59 |
| 5 | Peter Tubaas | 08.15.11 |
| 6 | Terje Lyngstad | 10.14.56 |
| Kvinner | ||
| 1 | Therese Falk | 06.33.35 |
| 2 | Jeanette Vika | 08.03.59 |
| 30 km | ||
| Menn | ||
| 1 | Bjørn Håvard Bjørklund | 03.11.01 |
| 2 | Geir Dybdahl | 03.50.03 |
| Kvinner | ||
| 1 | Elisabeth Esperø | 03.19.00 |
| Anne Britt Bringedal | DNF | |
| Samanlagt etter tre dagar | ||
| Fulldistanse kvinner | ||
| 1 | Therese Falk | 17.15.09 |
| 2 | Jeanette Vika | 21.36.05 |
| Fulldistanse menn | ||
| 1 | Arvid Haugen | 16.49.37 |
| 2 | Peter Tubaas | 21.27.32 |
| 3 | Magnus Thorud | 21.36.05 |
| 4 | Ole Erik Flatin | 21.36.05 |
| 5 | Terje Lyngstad | 26.10.10 |
| Halvdistanse menn | ||
| 1 | Bjørn Håvard Bjørklund | 9.13.37 |
| 2 | Geir Dybdahl | 9.52.39 |
Elisabeth Esperø fullførte kortløypa på 30 km i fin stil. Også i denne løypa fekk var avstikkaren opp til toppen av Siggjo lagt inn. (Foto: arrangøren)
Bømlo har mange bruer, og her er det Terje Lyngsad og Torbjørn Hammersland som har klatra opp på ei av dei. (Foto: arrangøren)
Reportasje frå førsteetappen i Bømlo Ultrafestival
Reportasje frå andreetappen i Bømlo Ultrafestival
Fleire bilete og meir om festivalen på løpets Facebookside
Bli medlem eller støtt oss med en gave hvis du ønsker at Kondis skal fortsette å spre treningsglede, skrive reportasjer, lage terminlister, kontrollmåle løyper, føre statistikker osv. På grunn av koronakrisen har store deler av annonseinntektene våre falt bort, og vi er i enda større grad avhengig av medlemskap og støtte fra våre lesere.
Bli medlem og få mange medlemsfordeler!
Gi en gave:
Vårt kontonummer er: 1503.35.18541
Vipps: 125957
