Folkefest Langs Åkrafjorden

På nytt var det duka for løp langs den gamle Åkrafjordvegen frå Tjelmeland til Teigland. Strekninga på 11 km, der dei 3 første er ein lang seig motbakke. Men så er det fri flyt nedover forbi Trolljuv bru og vidare ned til Rafdal. Dei siste 3 km er lett kupert, der motbakken mot mål sug ut det siste av krefter.

Men årets løp var perfekt på alle måtar. Vindfritt, og passe fin løpstemperatur som steig i takt med sola som kom lengre og lengre innover langs fjorden.
Det låg til rette for mange gode tider i årets løp.
I fleire år har løypa fått fleire løyperekordar, seinast i fjor når Zerei Kbrom Mezngi frå Spirit Stavanger knuste til med 31.38.

Årets deltaking var ikkje av det kaliber, men Tom Erik Karlsen som spring for Ølen VGS – Idrettsfag, tok tidleg leiinga. På toppen låg han over minuttet framanfor dei neste løparane. Forspranget berre auka nedover, og i mål var han 5 min før Ola Odland (Stord) og Stian Haugland (Ølen).

Det var omtrent likt i kvinneklassen, der Maryna Novik frå arrangørklubben, leda med eit minutt på toppen. Annette Velde Sande (Haugesund (spring for BFG Bergen Løpeklubb)) og Mariann Vevatne (Etne) låg likt på toppen, men Annette drog frå nedover bakkane. Mariann klarte å halda plassen sin heilt til mål, og sikra seg 3. plass.

Det vart utkjempa mange personlege knivingar langs løypa, der treningskompisar og gamle tider skulle slåast. Svært mange reiste heim med ein god følelse av å ha vunne sin kamp, sidan dei strålte i kapp med sola.

Etter 2 sesongar med koronarestriksjonar var det kjekt å sleppa til ein liten flokk turgåarar same dagen som løpet er. Nokon få gjekk eller sykla tidlegare i august, men stemninga er større langs løypa når dei får vera samtidig med løparane.
Håpar jo at med ein vinter til så er det normale tilstandar på slike arrangement igjen.

Spenninga steig fort når den gode speakeren, John Karsten Hustveit skal dela ut premiar og gåvekort.
Dei heldige i år var Åse Berge og Alfred Natterøy-Sævareid som vann 1000,- kr kvar. Gåvekortet på 3000,- gjekk til Gjertrud Jøsendal Tvedt, medan gåvekort på hyttehelg på Kyrping Camping gjekk til Odd Inge Tvedt i Røldal.

Etter ein vellukka dag langs Åkrafjorden er arrangøren i gang med idear til neste løp, der det skal feirst 20-års jubileum. Ei lita overrasking til løparar og turgåarar skal det bli. Og kanskje me får nokon til å prøva seg på løyperekorden?

Arrangøren vil takka alle som både deltok, sponsa arrangementet og hjelpte til!

Alle resultater fra Land Åkrafjorden

Premiepallen kvinner: Annette Velde Sande, Maryna Novik og Mariann Vevatne. (Foto: Olav Samland)

Løpsklasse i "Langs Åkrafjorden" - 21. august 2021:

Kvinner

Premiepallen menn: Ola Odland, Tom Erik Karlsen og Stian Haugland. (Foto: Olav Samland)

Menn

Desse løpsbileta er tekne av Ane Mari Sveinungsen:

Bjørn Ivar Svendsen - Målfoto

Carina Hornenes i mål

Tor Malmin - Bergprisen

Åsmund Norheim mot mål

Tom Erik Karlsen - Bergprisen

Ola Odland - Stord - Nr 2

Stian Haugland - Ølen - Nr 3

Maryna Novik i mål

Sindre Ekornrud - Nr 6

Annette Velde Sande og Mariann Vevatne - Bergprisen -

Annette Velde Sande er hoppande glad for rekordar i løpet.

Mariann Vevatne mot mål