Rørsleglede for alle i Mensen Ernst Minneløp

Vi har fått denne rapporten frå Kristin Rundsveen. Fotograf alle bileter er Sigrid Skjerdal.

I eit år der dei fleste arrangement er avlyst, har dugnadsgjengen i Fresvik likevel klart å arrangere løp, og det var stor interesse med 112 gjennomførande. Det var ein heit dag, og etter endt løp var det mange som spylta av seg i hageslangen «Nilen sine kjelder», før eit forfriskande dukkert i fjordan var eit must for dei fleste.

Når det var som mest usikkerheit under nedstenginga, og mange valgte å kansellere i god tid, bestemte vi oss for å uansett gjennomføre eit forenkla løp, med færre deltakarar og ulike starttidspunkt på løpa.

Julie Bøtun var smittevernansvarleg på dette arrangementet:

- Me tok omsyn til korona, og tillèt ikkje bruk av dusjar, og ikkje felles drikkestasjonar, men heller be løparane ha eigne flasker i løypa.

Årets arrangement samla heile 112 deltakarar.

Heidrar løpekongen frå Fresvik

Gjennom fleire år har eldsjelane i IL Modig arbeidd mot å lage eit idrettsarrangement for alle, og løpet blir tilrettelagt med sikte på helse- og trivselsformål meir enn på konkurransar og prestasjonar. Fungerande leiar i friidrettsgruppa, Dag Einar Bøtun, understrekar at her fokuserer me på god stemning, rørsleglede og personleg meistring! – «Gå eller spring. Uansett alder, form eller erfaring er dette løpet perfekt for akkurat DEG!»

Dette er tredje året med Mensen Ernst minneløp i ny drakt, og deltakarane kunne velje mellom fire løyper. 1,5 km, 3,5 km, 6,5 km og 12 km. I tillegg blir det arrangert 400 m baneløp for dei minste, med stor innsats og mykje entusiasme. Kvar av dei fire distansane er oppkalla etter Ernst sine fire største løpebragder, og deltakarane kunne dermed velja å følgja i fotspora til Ernst frå «Paris-Moskva», «München-Nauplia», «Istanbul-Calcutta» eller «Mot Nilen sine kjelder».-

Sosialt løp

Ved å dempa fokuset kring vinnarar, plasseringar, tider og løyperekordar, og heller fokusera på at dette er ein dag kor rørslegleda er det viktigaste. Uavhengig av distanse startar løparane i ein stor fellesstart på Modig stadion og legg ut på fire ulike rundløyper. Kvar runde startar og sluttar inne på Modig Stadion, og tal rundar er bestemt av kva distanse deltakarane er påmeldt. Dette gjer løypa svært publikumsvenleg, og ikkje minst er det kjekt og sosialt for løparane.

Stor interesse med mange tilreisande

Årets løp er ein av få løp som blir arrangert i Noreg, og difor var nok interessa frå tilreisande ekstra stor. Severin Myrbakken (54) kom heilt frå Rena i Østerdalen til Fresvik for å delta i Mensen Ernst minneløp for første gong. «Det er eit fantastisk konsept, som er svært publikumsvenleg med kjekke løpstrasear. Etter å ha høyrt om Noregs første profesjonelle idrettsutøvar i diverse forum, så var det utruleg stilig å komme til Fresvik for å delta i minneløpet hans. Ramma rundt med den fantastiske naturen var jo prikken over i´en».

Alle resultater Mensen Ernst Minneløp

Resultater Mot Nilen sine kjelder (12 km)

Resultater kvinner Istanbul-Calcutta t/r 8300 km (6,5 km)

Resultater menn Istanbul-Calcutta t/r 8300 km (6,5 km)

Resultat kvinner München-Nauplia 2700 km (3,5 km)

Uten tid:

Resultat menn München-Nauplia 2700 km (3,5 km)

Uten tid:

Resultat kvinner Paris-Moskva 2500 km (1,5 km)

Uten tid:

Resultat menn Paris-Moskva 2500 km (1,5 km)

Uten tid: