Susanne Wigene fortsatt sprek - vann Langs Åkrafjorden

Susanne Wigene framleis i god form
Susanne er framleis ung, men formelt sett har ho "lagt opp". Men ho kom likevel til det 15. "Langs Åkrafjorden" og ho osar framleis av løpeglede. Det smittar.

Susanne kom, såg og vann... Det vil sei at ho trengte ikkje sjå seg tilbake. Løyperekordhaldar Maryna Novik skal springa 5000 m i NM i neste veke og var lukkeleg i mål for at ho hadde greid å ta det roleg, sjølv med startnummer på brystet. Men Susanne løp eit godt løp, berre eitt minutt bak løyperekorden.

Kr 5000 som trekkjepremie
Etter mønster frå Knarvik-mila hadde arrangøren 35-års-jubilanten IF Klypetussen bestemt at trekkjepremien på kr 5000,- skulle vinnast av ein som var til stades under premieutdelinga. Og det var utruleg mange som heldt ut i det sure veret. Men fyrste som vart trekt ut, var ikkje der. Andre som vart trekt ut, var heller ikkje der. Herrevinnar i fjor og i år, Lars Lunde, måtte trekkja for tredje gong - ENDELEG!

Kven var til stades...? Jo, Susanne Wigene vann også største trekkjepremien! :-)

11 jenter og 21 gutar løp i det sure veret
Sjølv om veret var surt, var det brukande løpsver. Arrangøren hadde satsa hardt på PR, så det var ikkje fleire enn det måtte vera. Gledeleg med bra auke frå i fjor, men arrangementet har plass til mange, mange fleire løparar enn dei 34 som løp.

Samla med barneløp, sykkeltrim og turmarsj var det eit bra oppmøte med rundt 125 deltakarar.

"Ordføraren" var der....
Ja, Siri Klokkerstuen var til stades, men denne gongen ikkje i eigenskap av ordførar, men for mellom anna å heia på sonen Bjørn. Bjørn Klokkerstuen Kjellesvik, Etne IL har hatt skikkeleg framgong i år. Ja, for Kondis, sin lokalreportar kjem han som "lyn frå klår himmel". I "Vatnet Rundt", Etne Duatlon og no med tredjeplass på god tid i "Langs Åkrafjorden" har han gjort seg kjend. Han debuterte i lLangs Åkrafjorden, men har vore her før. I 2012 var han journalist i Grannar og intervjua løyperekordhaldar Laban Siro. No var han sjølv på pallen.
Artig og gledeleg.

Nytt i 2017: "Barneløpet"
15 born sprang dei ca. 500 m med start og mål der dei vaksne kom i mål. Ikkje tidtaking, men medalje til alle.

Lars Lunde, Stord IL vann Langs Åkrafjorden for andre gong
I fjor var det ein kortversjon grunna ras i fjorden. I 2017-utgåva kom Lars Lunde tilbake og sprang på 4. beste tida gjennom 15 arrangement. I tillegg smakte det godt at han gruste rekorden til Stord-trenaren - den tidlegare storløparen - Nils Hetleflåt. Men begge er på "Topp 10 -lista".

Lars Lunde er no beste stording på rankinglista etter at han slo "klubbrekorden" til den ikkje så gamle klubbkameraten, Nils Hetleflåt, no glimrande trenar. 35.53 fører Lars opp på 4. plass etter to kenyanarar og Ragnar Stølsmark. (Foto: Olav Samland)

Frå venstre: Trine Byggstøyl nr. 3, Maryna Novik nr. 2 og den suverene vinnaren, Susanne Wigene. (Foto: Olav Samland)

Arrangøren legg vinn på at det skal vera litt stil på velkomsten

Sekretariat ved Kyrping Kro og bensin. Ikkje alltid lett å ynskja velkomen med stil når det regnar og blæs....

Fleire bilete under resultatlista

Resultater i Langs Åkrafjorden 11 km (kontrollmålt) 19. august 2017

Klassevis resultat-service på EQ-timing

Barneløp for fyrste gong - for born frå 2 til 11 år.

Full innsats frå start - sjølv utan tidtaking.

Dei fyrste i mål....

Sjå medaljen, mamma!

Søskenparet Samland Tendal iintervjuast av lokalavisa Grannar og journalist Liv Astrid Hesjedal. Måndag er det stort oppslag i lokalavisa.